Дзень народнага адзінства.
Дарагія жыхары горада Рагачова і раёна!
У чарговы раз мы адзначаем вялікае дзяржаўнае свята – Дзень народнага адзінства. Гэта свята гістарычнай справядлівасці, яно сімвалізуе нацыянальнае адраджэнне Беларусі. 17 верасня 1939 года ажыццявілася спрадвечнае імкненне беларусаў жыць на сваёй тэрыторыі адной сям’ёй у міры і згодзе. Нашы продкі 86 гадоў таму ўз’ядналіся на карысць будучыні. Крок за крокам працоўнымі і ратнымі перамогамі, талентам і энергіяй мільёны людзей умацоўвалі дзяржаўнасць, зацвярджаючыся сярод народаў і культур як моцная духам і прагрэсіўная нацыя. Сёння, калі Беларусь, у тым ліку і наша Рагачоўшчына, паспяхова развіваецца і ўпэўнена ідзе наперад, асабліва важна захоўваць у сэрцах любоў і павагу да Бацькаўшчыны, да роднай зямлі. Толькі так, агульнымі намаганнямі, мы зможам заставацца незалежнымі, эканамічна, палітычна і духоўна моцнымі.
Аляксандр АТРОШАНКА, старшыня Рагачоўскага раённага выканаўчага камітэта. Уладзімір ФЕАКТЫСТАЎ, старшыня Рагачоўскага раённага Савета дэпутатаў.
